Udhëzime për koronavirusin

  • Jaa Facebookissa
  • Jaa Twitterissä

Në këtë faqe:

Gjërat që duhen mbajtur mend gjatë pandemisë

  • Lani duart shpesh. Përdorni sapun ose, nëse është e nevojshme, dezinfektues për duart.

  • Kollituni ose teshtini në një shami letre ose mëngë.

  • Mos dilni me njerëz të tjerë nëse keni ndonjë simptomë.

  • Shmangni grumbullimet dhe ruani distancën me të tjerët. Mos harroni distancën e sigurisë (1-2 metra).

  • Shmangni hapësirat publike dhe prekjen e sipërfaqeve (p.sh. mbajtësen e shkallëve lëvizëse) larg shtëpisë. Infeksioni përhapet lehtësisht nga vendet ku shkojnë shumë njerëz.

Prapa lart.

Vaksinimet kundër COVID-19 në Espoo

Qyteti i Espoo-s vaksinon njerëzit që jetojnë në Espoo kundër COVID-19. Sëmundja COVID-19 e shkaktuar nga koronavirusi mund të jetë veçanërisht e rëndë për të moshuarit dhe njerëzit me gjendje që i predispozojnë ndaj formave të rënda të sëmundjes.  

Duke u vaksinuar, mund të mbroni veten nga COVID-19. Qëllimi i vaksinimit është që të lehtësojë simptomat e shkaktuara nga COVID-19 dhe të parandalojë format e rënda të sëmundjes. Epidemia e COVID-19 nuk do të përfundojë derisa të jetë vaksinuar pjesa më e madhe e popullsisë. 

Espoo-ja ofron vaksinim pa pagesë kundër COVID-19 për këdo që dëshiron ta bëjë. Vaksinat e para u morën nga mjekët dhe infermierët që trajtojnë pacientët me COVID-19 dhe personat mbi 70 vjeç. Në vijim do të vaksinohen ata që kanë rrezikun e zhvillimit të një forme të rëndë të COVID-19. Pas kësaj, do të vaksinohet pjesa tjetër e popullsisë së rritur, duke filluar nga më të moshuarit. Për informacione se kush po vaksinohet aktualisht, vizitoni www.espoo.fi/koronarokotus.  

Si të vaksinoheni kundër COVID-19: 

Kur t’ju vijë radha për t'u vaksinuar, rezervoni një takim vaksinimi në koronarokotusaika.fi ose duke telefonuar në 09 816 34800, nga e hëna deri të premten, ora 8:00–18:00. 

  • Ky është një shërbim që jua kthen thirrjen telefonike. Kur të telefononi, numri juaj regjistrohet dhe do t'ju marrim ne në telefon. Shërbimi është në dispozicion në finlandisht, suedisht dhe anglisht. Ne përdorim gjithashtu dhe aplikacionin e përkthimit Túlka. Mund të duhet pak kohë derisa t’ju marrim në telefon, por do t’ju marrim të gjithëve. Marrja në telefon nga ana jonë bëhet gjatë ditës, në mbrëmje dhe gjatë fundjavave. 

Vaksinat kundër COVID-19 bëhen me takim në vendet e vaksinimit. Vaksina aktuale përfshin dy doza. Do t’ju lihet një takim për dozën e dytë të vaksinës kur të rezervoni takimin për dozën e parë ose maksimumi, në varësi nga vaksina e parë.  

Në Espoo ka katër vende vaksinimi: 

  • Qendra Shëndetësore e Tapiola-s, Ahertajantie 2 

  • Qendra tregtare “Iso Omena”, kati i 2-të, Suomenlahdentie 1 

  • Vendi i vaksinimit Lintuvaara, Veräjäkallionkatu 3 

  • Vendi i vaksinimit “Metro Areena”, Urheilupuistontie 3 

Vajtja në vendin e vaksinimit është e sigurt, kur mbani parasysh udhëzimet e mëposhtme në vendin e vaksinimit: 

  • Mbërrini për takimin sa më të përpiktë që të jetë e mundur për t'u siguruar që të mos krijohen grumbullime në vendin e vaksinimit. 

  • Nëse keni ndonjë simptomë që përputhet me COVID-19, anulojeni takimin.  Simptomat e zakonshme përfshijnë ethe, kollë, dhimbje fyti, vështirësi në frymëmarrje, dhimbje muskulore, të përziera, përkeqësim të gjendjes së përgjithshme dhe, zakonisht, humbje të shijes dhe nuhatjes. 

  • Përgatituni që të vërtetoni identitetin, për shembull, me një kartë identiteti. 

  • Mbani maskë. 

  • Lani duart ose përdorni dezinfektues për duart. 

  • Mbani një distancë prej të paktën dy metrash nga të tjerët. 

  • Përgatituni që të qëndroni nën vëzhgim për të paktën 15 minuta pas vaksinimit. 

  • Në vendin e vaksinimit mund të vini me makinë, biçikletë, në këmbë ose me transport publik. 

Nëse keni pasur COVID-19, ju rekomandojmë që ta shtyni vaksinimin për rreth 6 muaj nga shfaqja e simptomave ose zbulimi i infeksionit.  

Pasi të jeni vaksinuar, është e rëndësishme që të vazhdoni të mbani një distancë sigurie nga të tjerët, të mbani higjienë të mirë të duarve dhe kollitjes, të mbani maskë, të bëni testin nëse shfaqet ndonjë simptomë dhe të ndiqni udhëzimet e tjera për të mbajtur në kontroll COVID-19. 

A keni nevojë për ndihmë për të rezervuar një takim vaksinimi? Nuk jeni të sigurt se kur është radha juaj për t’u vaksinuar? Mund të merrni në telefon për këshillim Pikën Informative për Emigrantët.  Do t’ju ofrohet shërbim në gjuhën tuaj ose në finlandishte të thjeshtë. Këshilltarët tanë flasin finlandisht, suedisht, anglisht dhe kurdisht. Për gjuhë të tjera, përdorim përkthyes. Tel. 040 636 8097, e hënë–e enjte 10:00–16:00 dhe e premte 9:00–12:00. www.espoo.fi/neuvontapiste 

Më shumë informacione në lidhje me vaksinimet: espoo.fi/koronarokotus   

Prapa lart.

Mbani maskë për fytyrën

  • në të gjitha mjediset për kohën e lirë, transportin publik, hapësirat publike, ngjarjet publike, punët për qejf, dyqanet dhe shërbimet 
  • në mjedise të mbyllura sportive, përveç atyre gjatë aktiviteteve sportive 
  • në institucionet e arsimit 9-vjeçar, të mesëm dhe të lartë 
  • në qendrat rinore
  • në qendrat ditore të kujdesit kur sillni dhe merrni fëmijët 
  • në vendet e punës në të gjitha takimet dhe kur lëvizni nga një vend në tjetrin. Rekomandimi zbatohet si për vendet e punës së sektorit privat, ashtu dhe të sektorit publik.

Qyteti shpërndan maska për fytyrën falas për ata që nuk janë në gjendje t'i blejnë. Banorët e tjerë të Espoo-s duhet t’i blejnë vetë maskat e tyre.

Maskat e fytyrës për njerëzit me të ardhura të kufizuara shpërndahen në zyrat e mirëqenies sociale dhe zyrat e organizatave:

Espoon keskus

• Shoqata Hyvä Arki (Hyvä Arki ry), Siltakuja 3 B, e hënë–e premte, 9:00–13:00

• Shoqata Manna-Apu (Manna Apu ry), Tuomarilantie 19, e hënë–e premte, 9:00–13:00

Espoonlahti

• Kivenkolo, Merisaapas 1 A, e hënë–e premte, 9:00–11:30 dhe 13:30–14:00

Leppävaara

• Zyra e shërbimeve sociale të Espoo-s (Espoon sosiaalipalvelutoimisto), Komentajankatu 5 C, e hënë–e premte, 9:00–15:00

• Raitin Pysäkki, Konstaapelinkatu 1 A, e hënë–e premte, 10:00–14:00

Matinkylä

• Shërbimet e emigrimit të Espoo-s (Espoon Maahanmuuttajapalvelut), Pyyntitie 3, e hënë–e premte, 9:00–15:00

• Espoon Ankkuri, Matinkartanontie 16 B, e hënë–e premte, 9:00–14:00

Espoo-ja e Veriut (Pohjois-Espoo)

• Qendra e Shërbimeve të Kalajärvi-t (Kalajärven palvelutori), Ruskaniitty 4, e hënë–e enjte, 13:00–15:30

Tapiola

• EJYn Kansalaistoiminnankeskus, Kauppamiehentie 6, e hënë–e premte, 10:00–15:00

Prapa lart.

Kufizoni kontaktin me njerëzit e tjerë

  • Mos u grumbulloni në numër të madh - COVID-19 është përhapur në festa, grumbullime shokësh dhe qendra tregtare.

  • Nëse organizon ndonjë manifestim privat në lokale të brendshme, atëherë në atë manifestim mund të jenë maksimalisht dhjetë persona. Nëse organizon ndonjë manifestim në ambient të hapur, pra jashtë, në atë manifestim mund të marrin pjesë maksimalisht 50 persona.

  • Të gjitha ngjarjet publike dhe takimet e përgjithshme në mjedise të mbyllura dhe në natyrë janë të ndaluara. Në ambient të brenshëm mund të organizohen edhe manifestime publike dhe mbeldhje publike ku marrin pjesë maksimalisht dhjetë persona si dhe në ambient të jashtëm maksimalisht 50 persona, me kusht që në to të mund të garantohet siguria.

  • Hapësirat e ekspozitave të muzeve dhe shtëpive të kulturës si edhe hapësirat tjera të ekspozitave do të hapen për një numër tëvogël klientësh duke filluar nga fillimi i muajit qershor. Pishinat e jashtme si edhe ato të brendhsme janë hapur tanimë. Aty pranohen klientë sa gjysma e kapacitetit normal të pishinave.

Prapa lart.

Bëni testin për COVID-19

Testimi për COVID-19 është në dispozicion për këdo me simptoma që sugjerojnë se mund të jenë sëmurur me COVID-19.

  • Mund të rezervoni një test për veten në Coronabot, koronabotti.hus.fi.

  • Në të kundërt, mund t’i telefononi linjës direkte të Espoo-s për COVID-19, 09 816 346 00 (e hënë–e premte, 7:00–18:00, e shtunë–e diel, 9:00–15:00). Në orare të tjera, telefonojini linjës së ndihmës mjekësore, tel. 116 117.

Prapa lart.

Shkoni në qendrën shëndetësore vetëm nëse keni lënë takim

Numri për rezervimin e takimeve i qendrave shëndetësore të Espoo-s për çështje të tjera, tel. 09 816 34500 e hënë–e premte, 7:00–18:00. 

Prapa lart.

Shkarkoni aplikacionin Koronavilkku në telefonin tuaj

Aplikacioni ndihmon për të gjetur njerëzit që mund të jenë të infektuar me COVID-19. Nëse diagnostikoheni me një infeksion, mund ta raportoni në mënyrë anonime në aplikacion. Aplikacioni ju njofton gjithashtu në rast se keni pasur kontakt me një person të infektuar.

Koronavilkku është i sigurt në përdorim. Aplikacioni Koronavilkku ofrohet nga Instituti Kombëtar i Shëndetit dhe Mirëqenies (THL) dhe funksionon në Finlandë.

Mund ta shkarkoni aplikacionin falas në Koronavilkku.fi. Aplikacioni është në dispozicion në finlandisht, suedisht dhe anglisht. (InfoFinland.fi)

Prapa lart.

Arsimi për fëmijërinë e hershme

Qendrat e kujdesit ditor janë të hapura. Ju lejohet që të shkoni në një qendër të kujdesit ditor vetëm nëse jeni mirë me shëndet. Ju kërkojmë juve dhe kujdestarëve që të shmangni qëndrimin brenda qendrës ditore me qëllim që të zvogëlohet ekspozimi. Për momentin, fëmijët nuk mund të sjellin lodrat e tyre në qendrën e kujdesit ditor. 

Mbani maskë kur sillni ose merrni fëmijën.

Prapa lart.

Shkollat fillore dhe arsimi i mesëm

Shkollat fillore (cikli i lartë) dhe arsimi i mesëm (gjimnazet dhe shkollat profesionale) do të rikthehen në mësimin e afërm. pra nëpër shkolla duke filluar nga 3.5.2021.

Prapa lart.

Bibliotekat

Bibliotekat ofrojnë një shërbim të kufizuar, i cili përfshin:

  • Marrjen e materialeve nga rafti i rezervimeve.  

  • Transaksione të nevojshme, të shpejta në kompjuterët e klientit.

  • Metoda e preferuar e shërbimit është rezervimi paraprak dhe vetëshërbimi duke përdorur makinerinë automatike të huazimit.

  • Nëse është e nevojshme, ndihma dhe këshillat janë në dispozicion në tryezën e shërbimit.

  • Mbani maskë.

Prapa lart.

Aktivitetet e lira

  •  Në hapësirat e brendshme dhe të jashtme të cilat menaxhohen nga komunat, aktivitetet e lira organizohen vetëm për fëmijë dhe të rinj të lindur në vitin 2001 dhe më pas.

Prapa lart.

Udhëtimi

  • Shmangni udhëtime të panevojshme. Udhëtoni vetëm nëse është patjetër e domosdoshme.
  • Në Finlandë mund të vihet vetëm në raste të domosdoshme. Shkaqe të domosdoshme janë për shembull studimet, puna ose familja.
  • Policia kufitare vendosë për atë, se a e lejon pasagjerin të hyjë në Finlandë.

Keni të drejtë të ktheheni në Finlandë, nëse

  • jeni shtetas i Finlandës
  • jeni anëtar i familjes së një shtetasi të Finlandës

Kur të mbërrini në Finlandë, autoritetet zyrtare ju pyesin për testin e koronës.

  • Nëse keni qenë në test brenda tri ditësh të fundit, mund t’ua tregosh autoriteteve zyrtare vërtetimin e testimit.
  • Nëse nuk keni qenë në test, atëherë juve do t’ju drejtojnë për të bërë testin.
  • Nuk keni nevojë për test të koronës nëse keni qenë sëmurë nga korona brenda gjashtë muajve të kaluar. Në atë rast, tregoni autoriteteve zyrtare vërtetimin e sëmurjes.

Prapa lart.

Ndiqni udhëzimet e karantinës

  • Ndiqni udhëzimet që ju janë dhënë nëse jeni duke pritur takimin e testit të koronavirusit, rezultatet e testit ose nëse jeni ekspozuar ndaj COVID-19. Udhëzime për karantinën në finlandisht, suedisht dhe anglisht: espoo.fi/karanteeniohjeet
  • Shkelja e urdhrit të karantinës të lëshuar nga autoritetet e sëmundjeve infektive i nënshtrohet ndëshkimit.

Udhëzime të mëtejshme për banorët e Espoo-s: https://www.espoo.fi/koronavirus. Mund të gjeni gjithashtu dhe një smartbot (aplikacion bisede) në uebsajtin e qytetit në espoo.fi. Mund t'i bëni pyetje smartbot-it në lidhje me koronavirusin në më shumë se 100 gjuhë. 

Prapa lart.

Uebsajte të tjera me informacione për koronavirusin dhe simptomat në gjuhë të ndryshme

Prapa lart.