Talooyin la xariira Korona Fayraska

  • Jaa Facebookissa
  • Jaa Twitterissä

Boggan:

Waxyaabaha ay tahay in la xasuusto inta lagu jiro aafada

  • Dhaq gacmahaaga had iyo jeer. Isticmaal saabuun ama, haddii loo baahdo, gacan nadiifiye. 

  • Ku qufac ama ku hindhis warqad ama gacanta shaatiga.

  • Ha dhex galin dadka kale haddii aad leedahay wax astaamo ah.

  • Ka fogow dadka badan oo ha u dhawaan dadka kale. Xusuusnow masaafada badbaadada (1-2 mitir).

  • Ka fogow meelaha dadku isugu yimaadaan, ha taaban meelaha gacanta la saari karo (tusaale, gacan qabsiga tareenka) ee guriga ka fog. Cudurku wuxuu si fudud ugu fidaa meelaha ay dad badani booqdaan.

  • Xeerarka karantiilku waa waajib: lama kulmi kartid cid aan ka ahayn kuwa isla guriga kugula nool

Kor ku laabo.

Tallaallada COVID-19 ee Espoo 

Magaalada Espoo waxay dadka ku nool Espoo siinaysaa tallaalka kahortaga COVID-19. Cudurka COVID-19 ee uu sababo cudurka karoona fayras wuxuu si gaar ah ugu daranyahay dadka waayeelka ah iyo dadka qaba xaaladaha u saadaalin kara noocyada daran ee cudurka.  

Markaad is tallaasho, waad ka difaaci kartaa nafsadaada COVID-19. Ujeedada tallaalku waa in la yareeyo astaamaha uu sababo COVID-19 iyo in laga hortago noocyada daran ee cudurka. Cudurka safmarka ah ee COVID-19 ma dhammaan doono ilaa iyo inta badan dadka laga wada tallaalayo. 

Espoo waxay u fidisaa talaal bilaash ah COVID-19 qofkasta oo doonaya. Tallaalladii ugu horreeyay waxaa la siiyay dhakhaatiirta iyo kalkaaliyaasha caafimaadka ee daaweeya bukaanada COVID-19 iyo dadka ka weyn 70 sano jir. Kuwa halista ugu jira inuu ku dhaco nooc daran oo ah COVID-19 ayaa la tallaali doonaa marka xigta. Intaas ka dib, dadka intiisa kale ee qaangaarka ah waa la tallaali doonaa, laga bilaabo kan ugu weyn. Macluumaad ku saabsan cidda hadda la tallaalayo, booqo www.espoo.fi/koronarokotus.  

Sidee loo qaataa tallaalka kahortaga COVID-19: 

Markay tahay waqtigaaga tallaalka, sii qabso ballan tallaalka ah koronarokotusaika.fi ama adoo waceysa 09 816 34800 Isniin–Jimco 8:00–18:00. 

  • Tani waa adeeg dib-u-wicitaanka ah. Markaad wacdo lambarka, lambarkaaga waa la diiwaan galini dib ayaan kusoo wici doonnaa. Adeega waxaa lagu heli af Finnish, af Iswiidhish iyo af Ingiriis. Waxaan sidoo kale adeegsanaa barnaamijka tarjumaadda ee Túlka. Waxa laga yaabaa inay muddo qaadato ka hor inta aan dib laguugu yeerin, laakiin qof kastaa wuxuu heli doonaa dib-u-wicitaan. Dib-u-wicitaannada waxaa la sameeyaa waqtiga lagu jiro maalinta, fiidyada iyo maalmaha fasaxa ah. 

Tallaallada COVID-19 waxaa ballan loogu bixiyaa goobaha tallaalka. Tallaalka hadda waxaa ku jira laba qaadasho. Waxaa lagu siin doonaa ballan ah qaadashada labaad ee tallaalka markaad qabsato ballantaada ugu horreysa ama ugu dambeyey, ee la xiriirta tallaalkaaga ugu horreeya.  

Espoo waxaa ku yaal afar meelood oo la iska tallaalo: 

  • Xarunta Caafimaadka ee Tapiola, Ahertajantie 2 

  • Xarunta Dukaameysiga ee Iso Omena, dabaqa 2aad, Suomenlahdentie 1 

  • Goobta tallaalka ee Lintuvaara, Veräjäkallionkatu 3 

  • Xarunta Tallaalka ee Metro Areena, Urheilupuistontie 3 

Booqashadda xarunta tallaalka waa badqab, markaad maskaxda ku hayso tilmaamaha soo socda ee goobta tallaalka: 

  • U imow ballantaada si joogta ah oo ugu macquulsan si aad u hubiso in aan dad badan iskuugu imaanin goobta tallaalka. 

  • Ka noqo ballantaada haddii aad isku aragto wax calaamado ah oo u dhigma COVID-19. Calaamadaha caadiga ah waxaa ka mid ah qandho, qufac, dhuun xanuun, neefta oo kugu yar, murqo xanuuno, caajisnimo, xaalad guud oo hoos u dhac ah iyo, caadi ahaan, dhadhan la'aan iyo urin. 

  • Diyaarso inaad caddeyso aqoonsigaaga, tusaale ahaan, kaarka aqoonsiga. 

  • Xiro maaskaro 

  • Dhaq gacmahaaga ama isticmaal gacma nadiifiye. 

  • Ka fogee masaafa ahaan ugu yaraan laba mitir kuwa kale. 

  • Isu diyaari inaad kuharto kormeerka ugu yaraan 15 daqiiqo tallaalka kadib. 

  • Waxaad ku imaan kartaa goobta tallaalka gaari, baaskiil, lugeyn ama gaadiidka dadweynaha. 

Haddii aad qaadatay COVID-19, waxaan kugula talineynaa inaad dib u dhigato tallaalka illaa qiyaas ahaan 6 bilood ka dib bilawga astaamaha ama ogaanshaha cudurka.  

Ka dib markii lagu tallaalo, waxaa muhiim ah inaad sii wado inaad ka fogaato si ammaan ah dadka kale, u fiirso gacanta wanaagsan iyo nadaafadda qufaca, xiro maaskaro, iska baarto haddii ay calaamado soo baxaan oo aad raacdo tilmaamaha kale ee lagu xakameynayo COVID-19. 

Ma u baahantahay in lagaa caawiyo qabsashada ballanta tallaalka? Miyaadan hubin goorta ay tahay xilligaaga lagu tallaalaayo? Waad wici kartaa Barta Macluumaadka ee Muhaajiriinta si lagugu la taliyo.  Waxaa lagugu adeegi doonaa luuqadaada ama waxaad kuheli doontaa luuqada finnishka oo faahfahsan. lataliyaasheena waxay ku hadlaan Finnish, Iswiidhish, Ingiriis iyo Kurdi. Luqadaha kale, waxaan adeegsanaa turjubaanno. Taleefoon. 040 636 8097, Isnini–Khamiis 10:00–16:00 iyo Jimca 9:00–12:00. www.espoo.fi/neuvontapiste

Macluumaad dheeraad ah oo ku saabsan tallaaladda: espoo.fi/koronarokotus.

Kor ku laabo.

Xiro af-saab

  • gudaha dhammaan goobaha firaaqada, gaadiidka dadweynaha, goobaha banaan, munaasabadaha dadweynaha, hiwaayadaha, dukaamada iyo adeegyada 

  • gudaha isboortiga gudaha dhismaha, marka laga reebo inta lagu jiro ciyaarta 

  • marka la joogo dugsiyada dhexe, dugsiyada sare iyo mac'hadyada waxbarashada sare 

  • marka la joogo xarumaha dhallinyarada

  • marka la joogo xarumaha xannaano-maalmeedyada iyo marka la keenayo iyo la kaxaynayo carruurta 

  • goobaha shaqada isku imaad walba iyo marka aad meel ka baxeyso iyo tagayso meel kale. Talada waxay ku toosan tahay goobaha shaqada ee shirkadaha gaarka loo leeyahay iyo kuwa dawliga ah.

Magaaladu waxay u qaybisaa af-saabyo lacag la'aan ah dadka aan awoodin inay iibsadaan. Dadka kale ee reer Espoo waa inay laftooda soo qaataan maaskarooyinka.

Af-saabyada loogu talagalay dadka danyarta ah ayaa lagu qaybiyaa xafiisyada daryeelka bulshada iyo xafiisyada hay'adda:

Espoon keskus

  • Ururka Hyvä Arki, Siltakuja 3 B, Isniin–Jimco 9:00–13:00
  • Ururka Manna-Apu association, Tuomarilantie 19, Isniin–Jimco 9:00–13:00

Espoonlahti

  • Kivenkolo, Merisaapas 1 A, Isniin–Jimco 9:00–11:30 iyo 13:30–14:00

Leppävaara

  • Xafiiska Adeegyada Bulshada ee Espoo, Komentajankatu 5 C, Isniin–Jimco 9:00–15:00
  • Raitin Pysäkki, Konstaapelinkatu 1 A, Isniin–Jimco 10:00−14:00

Matinkylä

  • Adeegyada Soogalootiga ee Espoo, Pyyntitie 3, Isniin–Jimco 9:00–15:00
  • Espoon Ankkuri, Matinkartanontie 16 B, Isniin–Jimco 9:00–14:00

Waqooyiga Espoo

  • Xarunta Adeegga ee Kalajärvi, Ruskaniitty 4, Isniin–Khamiis 13:00–15:30

Tapiola

  • EJYn Kansalaistoiminnankeskus, Kauppamiehentie 6, Isniin–Jimco 10:00–15:00

Kor ku laabo.

Xaddid u dhowaanshaha dadka kale

  • Ha isu soo uruurina – cudurka COVID-19 wuxuu ku faafaa xafladaha, kulamada asxaabta iyo xarumaha dukaameysiga. Xilligan, munaasabadaha gaarka ah laguma talinayo.

  • Dhammaan dhacdooyinka guud ee gudaha iyo dibedda iyo shirarka guud waa mamnuuc.

  • Dhammaan ganacsiyada macaamiisha u furan ee dadweynaha waa la xiray. Tan macnaheedu waa tusaale ahaan dhammaan xarumaha isboortiga gudaha, guryaha dhaqanka, matxafyada iyo xarumaha dhalinyarada ee magaalooyinka. Wax-qabadyadda xarumaha waxbarashada ee dadka waaweyn waa la hakinayaa.

Kor ku laabo.

Iska baar COVID-19

Baaritaanka cudurka COVID-19 ayaa loo heli karaa qof kasta oo leh astaamo muujinaya in laga yaabo inay qabaan cudurka COVID-19.

  • Waad ka qaban kartaa laftaada ballan baaritaan gudaha Koronabotti, koronabotti.hus.fi.

  • Haddii kale, waxaad wici kartaa khadka telefoonka COVID-19 ee Espoo, 09 816 346 00 (Isniin–Jimco 7:00–18:00, Sabti–Axad 9:00–15:00). Waqtiyada kale, soo wac Khadka Caawinta Caafimaadka, tel. 116 117.

Kor ku laabo.

Kaliya booqo xarun caafimaad haddii aad ballan leedahay

Lambarka laga qabsado ballanta ee xarumaha caafimaadka ee Espoo ee arrimaha kale, tel. 09 816 34500 Isniin-Jimco 7:00–18:00.  

Kor ku laabo.

Ku soo dejiso barnaamijka Koronavilkku app gudaha telefoonkaaga

Barnaamijku wuxuu gacan ka geysan karaa helitaanka dadka laga yaabo inuu ku dhacay cudurka COVID-19. Haddii lagaa helo cudurka, waxaad si qarsoodi ah ugu soo sheegi kartaa gudaha barnaamijka. Barnaamijku sidoo kale wuu ku ogeysiin haddii aad u dhowaatay qof qaba cudurka.

Koronavilkku waa ammaan in la isticmaalo. Barnaamijka Koronavilkku app waxaa bixiya Mac'hadka Qaranka ee Caafimaadka iyo Daryeelka (THL), wuxuuna ka shaqeeyaa Finland.

Waxaad uga soo dejisan kartaa barnaamijka si lacag la'aan ah barta Koronavilkku.fi. Barnaamijka waxaa lagu heli karaa Af-Finnish, Af-Iswiidhish iyo af-Ingiriis. (InfoFinland.fi)

Kor ku laabo.

Waxbarashada carruurnimada hore

Xannaano-maalmeedyadu way furan yihiin. Waxaa laguu oggol yahay keliya inaad tagto xarunta xannaano-maalmeedka haddii aad caafimaad qabto. Waxaan idin ka codsaneynaa adiga, mas'uuliyiinta, inaad iska ilaalisaan inaad sii joogtaan gudaha xarunta xannaano-maalmeedka si aad u yaraysaan baylah noqoshada. Carruurtu, waqtigan la joogo, uma soo qaadan karaan alaab-alaabaydooda xarunta xannaano-maalmeedka. 

Fadlan xiro maaskaro marka aad keenaysid ama kaxaynaysid ilmahaaga.

Kor ku laabo.

Waxbarashada dugsiyada dhexe iyo heerka labaad

Waxbarashada dugsiyada dhexe iyo heerka labaad (dugsiyada sare iyo machadyada xirfadda) waxay ku laabanayaan laga billaabo 3.5.2021 waxbarashada dugsiga lagu qaadanayo.

Kor ku laabo.

Maktabadaha

Laga bilaabo maktabadaha waxay bixin adeeg xaddidan, oo ay ku jiraan:  

  • Ka soo ururinta waxyaalaha marfishka boos-celinta. 

  • Macaamiladda lagama maarmaanka ah ee degdegga ee kombiyuutarada macmiilka.

  • Habka adeegga la doorbidaa waa sii ballansasho hore iyo isu-adeegid iyadoo la adeegsanayo mashiinka amaahda otomaatiga ah.

  • Haddii loo baahdo, caawimaad iyo talo ayaa laga heli karaa kursiga adeegga.

  • Xiro maaskaro

Kor ku laabo.

Waxqabadka hiwaayadda

  • Gooaha gudaha iyo iyo bannaanka ee ay magaaladu maamusho waxaa waxqabadka hiwaayadda loogu qabanqaabinayaa dadka dhashay sannadkii 2001 iyo kuwa ka sii yar oo kaliya

Kor ku laabo.

Adeegga macmiilka

  • Goobaha Adeegga ee Espoonlahti, Leppävaara iyo Tapiola waa la xiray.
  • Goobaha Adeegyada ee Espoon keskus, Kalajärvi iyo Matinkylä weli way furan yihiin.
  • Arrimahaaga ku dhamayso onlayn, haddii ay suurtagal tahay.

Kor ku laabo.

Safridda

  • Iska ilaali safarka aan loo baahnayn. Waxaad safartaa, marka ay qasab kugu tahay oo kaliya.
  • Finland waxaa la imaan karaa oo kaliya haddii aan laga maarmin. Sababaha lagamamaarmaanka ah waxay noqon karaan tusaale ahaan waxbarasho, qoys ama shaqo.
  • Hoggaanka ilaalada xuduudaha ayaa gaaraya go’aanka ah in masaafurku uu Finland gelayo iyo in kale.

Waad ku soo laaban kartaa markasta Finland, haddii

  • aad tahay muwaadin Finnish ah
  • aad tahay xubin qoyseedka muwaadin Finnish ah.

Marka aad Finland timaado ayeey saraakiishu ku weydiinayaan baaritaanka Koronaha 

  • Haddii aad tagtay baaritaanka Koronaha wax kayar saddex maalmood kahor imaatinkaada, waxaad saraakiisha tusi kartaa caddaynta baaritaanka.
  • Haddii aadan tegin baaritaanka Koronaha, baaritaan ayaa laguugu hagayaa
  • Uma baahnid in aad aaddo baaritaanka Koronaha, haddii uu kugu dhacay cudurka fayruska Korona wax kayar lix bilood kahor. Waxaad markaas saraakiisha tustaa caddaynta jirrada.

Liistada ugu dambeysay ee xayiraadaha safar waxaa laga heli karaa mareegta Dawladda.

Kor ku laabo.

Raac tilmaamaha karantiilka

  • Raac tilmaamaha lagu siiyo haddii aad sugeyso ballankaaga tijaabada fayruska korona ama natiijada tijaabada ama la kullantay qof qaba COVID-19. Tilmaamaha karantiilka luqadaha Af-Finnish, Af-Iswiidhish iyo Af-Ingiriis: espoo.fi/karanteeniohjeet
  • Fadlan la soco in ku xadgudubka amarka karantiil ee mas'uuliyiinta cudurada faafa lagu muteysto ciqaab.

Tilmaamo dheeraad ah oo loogu talagalay dadka deggan Espoo: www.espoo.fi/coronavirus. Waxaad sidoo kale ka heli kartaa iswade (smartbot) mareegta magaalada espoo.fi. Waxaad ku weydiin kartaa iswadaha su'aalo ku saabsan fayraska korona in ka badan 100 luuqadood.

Kor ku laabo.

Mareegaha kale ay ku jiraan macluumaad ku saabsan fayraska korona iyo astaamaha ee luuqadaha kala duwan ah

Wadajir ayaan ammaanka uga shaqeynaynaa: Waxaan soojeedinaynaa in gaadiidka dadweynaha lagu dhex isticmaalo af-shareerka.
Macluumaad muhiim ah oo ku saabsan garashada Cudurka Coroona ee waalidiinta iyo qoyska (pdf, 63 Kt)
Hagid iyo macluumaad la xariira korona fayris (pdf, 275 Kt)

Kor ku laabo.